miércoles, 27 de abril de 2016

CITGO y Aruba no concretan acuerdo de Valero

Pasados varios meses no se observa ningún acuerdo entre CITGO y el gobierno de Aruba para reactivar la deteriorada Refinería Valero. Otro duro golpe para el alicaído gobierno de Mike Eman que debe enfrentar desempleo, inmigrantes ilegales, inseguridad , lavado de dinero, narcotráfico y un abrumador déficit presupuestario.

April 01, 2016 

Negociacionnan entre Aruba, Citgo Petroleum Corporation y Valero Energy Corporation a keda extendi cu 6 siman




Diahuebs atardi Minister di Economia, Comunicacion, Energia y Medio ambiente, ing. Mike de Meza, a yama un conferencia di prensa pa informa pueblo di Aruba di e ultimo acontecimentonan relaciona cu negociacionnan pa reapertura di e refineria na San Nicolas. Despues cu na 22 di September 2015 Gobierno di Aruba y Citgo Petroleum Corporation a firma un Memorandum of Understading (MoU), pa citgo por opera e refineria di Aruba, a defini tres fase di negociacion. E prome tabata pa ‘Due Diligence’, cu tabata mester a keda cla pa fin di November. E fase aki e grupo negociador a finalise y firme 25 di November 2015. E di dos fase tabata negociacionnan pa yega na e ‘Heads of Agreements’ cu mester a keda cla fin di aña 2015 y finalmente a keda firma 23 di December di e aña ey mes.
E ultimo fase, e ‘Definite Participation Agreement’, un fase mucho mas compleho, a cuminsa na 2016 y tabata premira pa keda finalisa 31 di Maart 2016, esta diahuebs. E negociacionnan, segun e Minister encarga cu asuntonan energetico a anuncia, ta hopi leu y hopi positivo, pero e detayenan ta asina hopi y e rekisitonan legal y tecnico entre otro ta asina halto, cu a dicidi pa extende e fase di ‘Definite Participation Agreement’, cu 6 siman mas di negociacion.
“Conhuntamente, nos a yega na e acuerdo cu mester un tiki mas tempo pa caba tur e trabounan cu tin,” segun ing. Mike de Meza. “Lagami bisa hopi cla, cu di tur tres partido e motivacion ta hopi halto, e ta hopi positivo, tur ta para tras di e proyecto aki y tur ta mira cu nos lo por conclui esaki den periodo rasonabel, pero ainda falta basta trabou pa tuma luga. E ora nos a yega na un acuerdo pa un extension riba e negociacion di e ‘Definite Participation Agreement’ cu seis siman mas y cu esaki lo mester termina riba 13 di Mei 2016.”
Minsiter de Meza a splica cu e extension aki tabata uno necesario, pa Citgo sigur, cu tabata e prome cu a pidi pa esaki. Di banda di gobierno, segun e Minister di Energia di Aruba, tambe ta mira cu ainda tin basta trabou cu mester wordo completa. Valero tambe ta sostene esaki pa motibo cu nan tambe ta mira cu tin diferente aspectonan importante cu mester caba cu ne. E trabounan cu tin ainda dilanti di e grupo negociador ta basta complex y hopi detaya.
“Mi por bisa, sin bay den mucho detaye, cu locual tin riba mesa, cu nos ta negociando, cu bendicion di Papa Dios, ta conclui positivamente dia 13 di Mei. Te awor aki tur cos ta canando positivo y nos lo tin un pakete sumamente bon caminda nos tur tres lo firma esaki,” Minister de Meza a splica cu hopi seguransa.
E minister a pidi, for di pueblo di Aruba, un poco pasenshi, “pasobra nos ta bayendo den e bon direccion, mi ta sumamente contento te awor aki cu e resultadonan y mi tin di bisa, cu tur partido den esaki ta sumamente positivo.” E mandatario ta premira cu si tur cos sigui cana manera cu e ta bay na e momentonan aki cu dia 13 di mei Aruba por tin un conclusion positivo y firmamento oficial pa asina finalisa proceso di negociacion.
Sr. de Meza a splica tambe cu na momento cu finalisa e negociacionnan y firma e acuerdo, ta sigui pa e siguiente fase cu ta un tipo di fase transitorio caminda Citgo ta tuma over tur actividad di e facilidad industrial na San Nicolas. E no por wordo yama un ‘turn around’, pasobra e ta un operacion mucho mas extenso. Asina cu cuminsa e fase aki, e fase di ‘rehabilitacion’, e compania ta cuminsa su inversionnan pa asina e refineria por ta ‘fully operational’ den un periodo di mas o menos 3 aña. E intencion ta cu despues di 18 luna di e proceso ‘rehabilitacion’ ya caba por cuminsa cu procesa petroleo den fase y na final di e tres aña esaki por yega te na un total di 210,000 bari.

http://masnoticia.com/negociacionnan-entre-aruba-citgo-petroleum-corporation-y-valero-energy-corporation-keda-extendi-cu-6-siman/

No hay comentarios:

Publicar un comentario